|
Sen dúbida, a comarca de Chantada sorprenderá
gratamente a todos aqueles que decidan coñecela: fermosos paisaxes
naturais, pintorescas aldeas, auténticos miradores naturáis aptos
para a práctica do voo, tanto en parapente como en ala delta ou gran
variedade de referencias histórico-artísticas. Enumerar eiquí
as multiples posibilidades de achegarse a estas terras sería
interminable; por elo, únicamente faremos alguna reseña sobre os
posibles lugares a percorrer:
|
Roteiro dos Codos de Belesar
|
Dende as proximidades da igrexa rómanica
de Santo Estebo de Ribas do Miño,
parte un sendeiro que, pasando por Galegos, vos levará ata
Diomondi, outra das xoias do románico da comarca do Saviñao. A
partires de alí comézase a baixar pola traza da antiga calzada romana.
Parte das suas lousas ainda se conservan, e vos conducirán mediante un
descenso de curvas pechadas (os denominados Codos) ata o propio pobo de
Belesar. A volta realízase por unha tranquila estrada á beira do
propio río Miño, frente ós fermosos viñedos de San Fiz.
Duración aproximada ida e volta : 4 horas
|
Roteiro do Río Asma
|
Dende a explanada de
Tarrío, cóllese un sendeiro que, cruzando o río Asma unhos centos de
metros antes da súa desembocadura no Miño, combina un tramo inicial
baixo un fermoso e húmedo bosque, co resto do percorrido a media
ladeira, entre viñedos, e rodeando o monte de San Pedro. As panorámicas
da 'ribeira' entre San Fiz e Belesar son excepcionais.
Duración aproximada ida e volta : 2 horas
|
Roteiro da Igrexa de Pesqueiras
|
Dende a estrada que sube da central de
Belesar cóllese un sendeiro que nos
leva a descubrir o 'misterioso' emprazamento da igrexa de Santa María
de Pesqueiras, xoia esquecida do románico, rodeada dun impresionante
souto de castiñeiros centenarios. Podemos continuar ata a 'ribeira' de
Sabadelle, na que a pista nos levará ata a beira mesma do río Miño,
eiquí embalsado a modo de pequeno 'mar interior'.
Duración aproximada ida e volta : 2 horas
|
Roteiro da Fervenza de Augacaida
|
Dende a estrada que conduce ata a noutrora puxante aldea de Marce
baixa un sendeiro no que o tramo inicial é bastante suave, ainda que a
medida que nos introducimos na vaguada do Rego de Aguianza, o trazado
vaise empinando. O treito final é un pouco abrupto, ainda que axudados
por sogas, poderemos chegar xusto ó pé dunha espectacular fervenza
nunha paraxe cunha humidade que aliviará o noso esforzo de vires e
reconfortaranos para o esforzo de voltares.
Duración aproximada ida e volta : 2,5 horas
|
|
|
|
Outros Roteiros
|
|
